為咗方便尋找鰹魚群，一般落魚網捉鰹魚並唔可行，另外用魚網打撈時有機會弄損魚身影響價錢。所以會選擇用傳統嘅一本釣方法去捉鰹魚。你見到魚師放支魚竿落海後幾秒鐘就有條鰹飛上架魚船，影像好衝擊!最過引嘅地方係條魚會自己甩釣，慳好多時間。秘密在於一個無倒刺嘅魚鈎。終於比我搵到段短片同大家分享。#鰹知識
博多烏冬 – ごぼうてん
太耐無去日本喇! 响日本地圖上click嚟click去。睇到博多烏冬嘅介紹，去過福岡4、5次，博多拉麵就食過，博多烏冬就未試過呢。☺️☺️跟據網上介紹，博多烏冬嘅質感蓬鬆，並無讚岐烏冬嗰種煙韌嚼感。湯汁顏色近乎透明，由鯖魚、鰹魚、飛魚、昆布同淡口醬油製成。博多烏冬另一大特色就係會配上當地名物牛蒡天婦羅(ごぼうてん)。一條條牛蒡炸成一大片天婦羅，相當架勢!
下次有機會去福岡，一定會去試。睇吓博多烏冬嘅牛蒡醒定係讚岐烏冬嘅炸蝦勁!💪