香川。。。讚岐七富士

記得第一次踏進香川，感覺好卡通。當時由高松開車到琴平，沿路睇見一座座有完整山形嘅小山，就好似到咗天神村一樣。好搞笑。

呢Ｄ一座座孤立嘅山仔就係讚岐七富士，當中包括讚岐富士、三木富士、御厩富士、羽床富士、綾上富士、高瀨瀬富士同有明富士 。點解個個都叫富士？其實响日本只要個山形有Ｄ似富士山，當地人就會响後面加“富士＂兩個字比佢，好似鹿兒島薩摩富士同北海道阿寒富士。讚岐七富士當中，最出名就係有讚岐富士之稱嘅飯田山。